khit Thit Afternoon News | 16 September 2026

Description: Khit Thit သတင်းဌာန၏ စက်တင်ဘာ ၁၆ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ စက်တင်ဘာ ၁၆ ရက် နေ့လယ်ပိုင်း တင်ဆက်ပေးမယ့် သတင်းတွေကတော့

- အမေရိကန်ပြည်ထောင်စုက ကိုယ်စားလှယ်အဖွဲ့တစ်ဖွဲ့ဟာ နေပြည်တော်ကို ယမန်နေ့ ရောက်ရှိလာပြီး အဆိုပါခရီးစဉ်ကို အထူးလျှို့ဝှက်အဆင့် သတ်မှတ်ထားတယ်လို့ နေပြည်တော်စစ်ဘက်သတင်းရင်းမြစ် ဆီက သိရပါတယ်။

- အကြမ်းဖက် မင်းအောင်လှိုင်က ဗီယက်နမ်နိုင်ငံနဲ့ ကမ္ဘောဒီးယားနိုင်ငံတို့ကို သွားရောက်ခဲ့ပြီးနောက် ယင်းနိုင်ငံတွေရဲ့ ဖွံ့ဖြိုးတိုးတက်မှုတွေကို အတုယူကာ မြန်မာနိုင်ငံမှာလည်း ပြုပြင်ပြောင်းလဲမှုတွေ လုပ်ဆောင်ရမယ်လို့ ပြောဆိုလာပြန်ပါတယ်။

- ပဲခူးတိုင်း၊ ပန်းတောင်းမြို့နယ်၊ ညောင်းကျိုးစခန်းမှာ တာဝန်ကျနေတဲ့ ဗေဒင်ဆရာ ဗိုလ်မှူးဝေကမ္ဘာစိုးဟာ ယနေ့နံနက်ပိုင်း လက်နက်ကြီးထိမှန်သေဆုံးသွားတယ်လို့ ဗိုလ်မှူးဝေကမ္ဘာစိုးဆီမှာ ဗေဒင်ပညာ လေ့လာနေတဲ့ တပည့်တချို့က ပြောဆိုပါတယ်။

- အမေရိကန်နဲ့ အီရန်ကြား ဖေဖော်ဝါရီ ၂၈ ရက်ကနေ ဇွန် ၃၀ ရက်အထိ ဖြစ်ပွားခဲ့တဲ့ စစ်ပွဲအတွင်း အီရန်ရဲ့ တိုက်ခိုက်မှုတွေကြောင့် အမေရိကန်စစ်တပ်ဟာ လေယာဉ်ဒါဇင်ချီ ဆုံးရှုံးခဲ့သလို အမေရိကန်အသုံးပြုနေတဲ့ အဆောက်အအုံနဲ့ အခြေခံအဆောက်အအုံ ရာချီ ပျက်စီးခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။ Close description