Khit Thit Morning News | 10 October 2026

Description: Khit Thit သတင်းဌာန၏ အောက်တိုဘာ ၁၀ ရက် မနက်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ အောက်တိုဘာ ၁၀ ရက် မနက်ပိုင်း တင်ဆက်ပေးမယ့် သတင်းတွေကတော့
-တရုတ်နဲ့ အိန္ဒိယလို အင်အားကြီးနိုင်ငံနှစ်နိုင်ငံကြားမှာ တည်ရှိနေတဲ့ မြန်မာနိုင်ငံအနေနဲ့ အမေရိကန်ကို အမြဲတမ်း မဟာမိတ်နိုင်ငံအဖြစ် လိုလားနေတယ်လို့ မင်းအောင်လှိုင်က အမေရိကန်ကိုယ်စားလှယ်တွေ ကတစ်ဆင့် သတင်းစကားပါးခဲ့ပါတယ်။

-ထိုင်းနိုင်ငံမှာ ဖွင့်လှစ်ထားတဲ့ မြန်မာစစ်အုပ်စုရဲ့ CI စင်တာတွေကို ဖျက်သိမ်းပြီး မြန်မာရွှေ့ပြောင်း အလုပ် သမားတွေအတွက် ပန်းရောင်ကတ်ကို အဓိကအထောက်အထားအဖြစ် အသုံးပြုခွင့်ပေးဖို့နဲ့ ပွဲစားတွေက အလုပ်သမားတွေဆီကနေ မတရားငွေကြေးကောက်ခံနေမှုတွေကို စုံစမ်းအရေးယူပေးဖို့ မြန်မာအလုပ်သမားအရေး လှုပ်ရှားသူတွေက ထိုင်းအောက်လွှတ်တော် အလုပ်သမားရေးရာကော်မတီထံ စာပေးပို့တောင်းဆိုထားပါတယ်။

-ရှမ်းပြည်နယ်တောင်ပိုင်း၊ လွိုင်လင်ခရိုင်၊ ပင်လုံမြို့မှာ ခရိုင်စစ်မှုထမ်းဆင့်ခေါ်ရေးအဖွဲ့နဲ့ ပျူစောထီး တွေ က အောက်တိုဘာ ၈ ရက်နေ့ မနက်ပိုင်းမှာ ရပ်ကွက်တွေနဲ့ နေအိမ်တွေအထိ ဝင်ရောက်ပြီး လူငယ်တွေ ကို ပေါ်တာဆွဲ ဖမ်းဆီးသွားတယ်လို့ ဒေသခံတွေနဲ့ ဖမ်းဆီးခံရတဲ့ လူငယ်တချို့ရဲ့ မိတ်ဆွေတွေက ရန်ကုန်ခေတ်သစ်သတင်းဌာနကို ပြောပါတယ်။

- အီရန်နိုင်ငံဟာ အမေရိကန်နဲ့ သံတမန်ရေးအရ ဆွေးနွေးမှုတွေ ဆက်လုပ်နေသလို စစ်ရေးအရလည်း အသင့်ရှိနေကြောင်း ပြသနေတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။ Close description