Khit Thit Afternoon News | 10 September 2026

Description: Khit Thit သတင်းဌာန၏ စက်တင်ဘာ ၁၀ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ စက်တင်ဘာ ၁၀ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
-အကြမ်းဖက်စစ်တပ်က KIA ကို ငြိမ်းချမ်းရေးကမ်းလှမ်းတယ်ဆိုတဲ့ သတင်းတွေအပေါ် KIA ဗိုလ်မှူးကြီးနော်ဘူက သူ့အနေနဲ့ တစ်စုံတစ်ရာ မသိရှိသေးဘူးလို့ ပြောပြီး အတည်မပြုပေးသလို ၊ မင်းအောင်လှိုင်ကတော့ အရင် ဦးသိန်းစိန်လက်ထက်က ငြိမ်းချမ်းရေးအဖွဲ့ဝင်ဟောင်းတွေကို အကြံပေးအဖြစ် ပြန်လည်ခေါ်ယူနေတယ်လို့ သိရပါတယ်။

- အာရက္ခတပ်တော် AA နဲ့ မြန်မာစစ်တပ် အကြား တွေ့ဆုံဆွေးနွေးမှု ဖြစ်ပေါ်လာအောင် ၂ ဖက်စလုံးနဲ့ ဆက်သွယ်ပြီး ကြိုးပမ်းပေးနေပေမယ့် နှစ်ဖက်စလုံးက တွေ့ဆုံဖို့ သဘောတူညီမှု မရသေးဘူးလို့ နီပွန်ဖောင်ဒေးရှင်း ဥက္ကဋ္ဌ ဆာဆာကာဝါ ကပြောလာပါတယ်။

ရန်ကုန်မြို့က မြောက်ဥက္ကလာမြို့နယ် သုဓမ္မာလမ်းမပေါ်မှာ စစ်တပ်ရဲ့ ဗိုလ်မှူး စစ်မင်းအောင် ဆိုသူ ဦးဆောင်တဲ့ အရပ်ဝတ်ပျူစောထီးတွေက လူငယ်တွေကို ပေါ်တာဆွဲဖမ်းဆီးမှုလုပ်သွားပြီး လူငယ် တစ်ဦးကို ငွေကျပ် သိန်း ၅၀ နဲ့ပြန်ရွေးခိုင်းနေတယ်လို့ ဒေဿခံပြည်သူတွေက ရန်ကုန်ခေတ်သစ်ကို ပြောလာကြပါတယ်။

- အမေရိကန် သမ္မတ ထရန့်က အီရန်ဟာ အမေရိကန်ရဲ့ ကြားဖြတ်ရွေးကောက်ပွဲကို သက်ရောက်မှုရှိအောင် အချိန်ဆွဲတဲ့ပုံစံနဲ့ ကြိုးစားနေပေမယ့် ဒါဟာ အသုံးဝင်မှုမရှိပဲ အခုဖြစ်နေတဲ့ စစ်ပွဲဟာ လာမယ့် ကြားဖြတ်ရွေးကောက်ပွဲပြီးတာနဲ့ ချက်ချင်းအဆုံးသတ်သွားမယ်လို့ ပြောလာတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။ Close description