Khit Thit Evening News | 10 October 2026

Description: Khit Thit သတင်းဌာန၏ အောက်တိုဘာ ၁၀ ရက် ညနေပိုင်း ရုပ်သံသတင်းအစီအစဉ်

By ရန်ကုန်ခေတ်သစ်

ဒီကနေ့ အောက်တိုဘာ ၁၀ ရက် ညနေပိုင်း တင်ဆက်ပေးမယ့် သတင်းတွေကတော့

-မြန်မာနိုင်ငံတစ်ဝှမ်း စစ်မှုထမ်းမဲပေါက်ထားတဲ့သူတွေအနေနဲ့ တက္ကသိုလ်ကျောင်းသားဆိုရင် ကျောင်းတက်တာကို ယာယီရပ်နားပြီး ၂ နှစ် မဖြစ်မနေ စစ်မှုထမ်းဆောင်ရမယ်ဆိုပြီး စစ်ကောင်စီရဲ့ ခရိုင် စစ်မှုထမ်းဆင့်ခေါ်ရေးအဖွဲ့က ညွှန်ကြားလာတယ်လို့ ရန်ကုန်တိုင်း မြို့နယ်စစ်မှုထမ်းဆင့်ခေါ်ရေး အဖွဲ့သတင်းရင်းမြစ်က ရန်ကုန်ခေတ်သစ်ကို အသိပေးပြောဆိုလာပါတယ်။

- NUG အပါဝင် အင်အားကြီးတိုင်းရင်းသားလက်နက်ကိုင်တွေ ပူးပေါင်းဖွဲ့စည်းထားရာ SCEF နဲ့ အာရက္ခတပ်တော် AA ထိပ်ပိုင်းခေါင်းဆောင်တွေ တွေ့ဆုံပြီး လက်ရှိစစ်ရေး၊ နိုင်ငံရေးအခြေအနေတွေ ဆွေးနွေးခဲ့ကြတယ်လို့ သိရပါတယ်။

- အကြမ်းဖက် မင်းအောင်လှိုင်ကို ကြိုဆိုခဲ့တဲ့ ထိုင်းဝန်ကြီးချုပ် အနုတင်နဲ့ အစိုးရအဖွဲ့ကို ထိုင်းလွှတ် တော်မှာ အယုံအကြည်မရှိအဆို တင်သွင်းလိုက်ပြီး လက်ရှိထိုင်းအစိုးရဝန်ကြီးတွေ အဂတိလိုက်စားမှုနဲ့ အာဏာအလွဲသုံးစားမှုတွေ ကျူးလွန်ထားတယ်လို့လည်း အတိုက်အခံပါတီတွေက ပြောထားပါတယ်။

- ရုရှား ယူကရိန်းစစ်ပွဲမှာ ယူကရိန်းတပ်တွေက ဒွန်နက်စ်ဒေသက ရုရှားတပ်တွေကို တွန်းလှန် တိုက်ခိုက်ပြီး နယ်မြေ ၁၇၅ ကီလိုမီတာကို ပြန်လည်သိမ်းပိုက်လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။ Close description